خواجہ غریب نواز رحمۃ اللہ علیہ کی زندگی ہم سب کے لیے مشعل راہ ہے: شاہ نواز عالم مصباحی ازہری

<p>مانکپور کنڈہ/پرتاپ گڑھ: 20 فروری، ہماری آواز(نامہ نگار)
کنڈہ تحصیل میں عرس خواجہ غریب نواز منعقد ہوا جشن کا آغاز حافظ. اخلاق احمد کے تلاوت سے ہوا مقرر خصوصی کی حیثیت سے مفتی شاہ نواز عالم مصباحی ازہری نے شرکت کی اور انہوں نے مجمع سے خطاب کرتے ہوئے کہا کہ خواجہ غریب کی سیرت ہم سب کے لئے مشعلہ راہ ہے، اور انہوں نے کہ اسوہ حسنہ اور اپنے اخلاق وکردار کی بنیاد پر بھارت کے کونے کونے میں دین متین کے خدمت کو انجام دیا اور خدمت خلق کی ایسی خوشگوار فضا قائم کی ہر مذہب کے لوگ آپ سے ایسے منسلک ہونے لگے،مزید انہوں نے کہا کہ خواجہ معین الدین چشتی کو سرکار دوعالم صلی اللہ علیہ وسلم نے بھارت پر بھیجا اور مستقل سلطان بنادیا، ایسے پرفتن دور میں آپ تشریف لائے کہ پورا ہندوستان کفر وشرک کے تاریکی میں ڈوبا ہوا تھا، لاکھوں معبودان باطلہ کی عبادت کی جارہی تھی، لیکن آپ نے دین اسلام کی تبلیغ اس انداز میں کی کہ گھر گھر میں مذہب اسلام کو پھیلادیا مزید انہوں نے کہا کہ اسوہ رسول کا بہترین نمونہ ہے خواجہ غریب نواز کی شخصیت جن کے بلند وبالا اخلاق کو دیکھکر 90لاکھوں لوگ تقریبا مشرف بہ اسلام ہوئے جس کو آج تک اسلام کی تاریخ میں سنہرے حروف سے لکھا ہوا ہے ، آج بھی ضرورت ہے کہ ہم سب ملکر سیرت خواجہ غریب نواز کے تعلیمات اور پیغامات کو عام کریں اور اخلاق حسنہ کی تفسیر وتصویر بنیں اور خدمت انسانیت کی مکمل کوشش کریں، اور اس موقع پہ مولانا مزمل اور قاری یوسف نے نعت ومنقبت کے اشعار کے ذریعے سے خراج عقیدت پیش کیا اور مولانا محبوب برکاتی ودیگر حضرات بھی خاص طور پر موجود تھے</p>